Гісторыкам Гарадзенскага універсітэта забаранілі ўдзел у круглым стале
Прарэктар па вучэбнай і выхаваўчай працы і сацыяльных пытаньнях Гарадзенскага дзяржаўнага ўнівэрсытэту Таццяна Бадзюкова папярэдзіла выкладчыкаў гісторыі аб немэтазгоднасьці ўдзелу у круглым стале "Каму выгодна руйнаваць Горадню?"
Пра гэта паведаміў сябар Рады руху "За Свабоду" Павал Мажэйка. Паводле ягоных зьвестак, зараз намесьнік дэкана факультэта гісторыі і сацыялёгіі Гарадзенскага дзяржаўнага ўнівэрсытэту імя Янкі Купалы даводзіць гэта распрараджэньне Таццяны Бадзюковай да выкладчыкаў і студэнтаў.
Нагадаем, што сёньня а 18-й у Горадні адбудзецца круглы стол на тэму "Каму выгодна руйнаваць Горадню?" Удзел у ім пацьвердзілі каля 30 гісторыкаў, архітэктараў, юрыстаў, прадстаўнікоў творчай інтэлігенцыі горада і Беларусі, журналістаў.
Круглы стол абвешчаны адкрытым для ўсіх жыхароў Горадні і Беларусі, каму неабыякавы лёс гістарычнай спадчыны нашай краіны. Да ўдзелу ў паседжаньні таксама запрошаныя дэкан факультэта гісторыі і сацыялёгіі Гарадзенскага дзяржаўнага унівэрсытэта імя Янкі Купалы Эдмунд Ярмусік і галоўны архітэктар горада Уладзімір Анісімаў.
Круглы стол мае стаць спробай дыялогу незалежнай грамадскасьці і афіцыйных структур, паведамляе гарадзенская "Дзіда".
