Судны дзень у Віцебску

Сёньня ў Віцебску завяршыліся два судовыя працэсы над моладзевымі актывістамі. Алеся Дзравянку суддзя Тацяна Ліпская пакарала штрафам за непадпарадкаваньне супрацоўнікам міліцыі штрафам у памеры 20 базавых велічынь (Артыкул 23.4 КаАП).

Як стала вядома ПЦ “Вясна”, другі пратакол, складзены на юнака за ўдзел у незаконным пікетаваньні, суддзя не разглядала, паведаміўшы, што ён будзе разгледжаны асобна. Актывіста з Полацку Генадзя Шараха суддзя Ліпская абвінаваціла ў незаконным пікетаваньні пад час судовага працэсу над Велерыем Шчукінам і пакарала штрафам у памеры паловы базавай велічыні.

У другой палове дня ў Віцебску пройдуць суд над Крысцінай Шацікавай і суд па зыску Таццяны Севярынец, якую звольнілі з працы за яе перакананьні.