Масавыя атручванні ў асуджаных Івацэвіцкай калоніі

Позна вечарам 12 чэрвеня і зранку 13 чэрвеня ў Івацэвіцкай папраўчай калоніі медыцынская частка запоўнілася зняволенымі, якія скардзіліся на дрэннае самаадчуванне.

Увогуле з дыягназам падобным на інтаксікацыю арганізма гаспіталізавана 24 чалавекі. Праўда, да сярэдзіны ўчорашняга дня стан здароўя гэтых людзей палепшыўся - і яны былі выпісаныя.

Супрацоўнікі санітарна эпідэміялагічнага кантролю Дэпартамента выканання пакаранняў выказалі першапачатковыя меркаванні, што інтаксіцыі садзейнічала надзвычай гарачае надвор’е, якое ўсталявалася апошнім часам, перадае Радыё Рацыя.