Мікашэвічы: нават колькасць выбаршчыкаў даведацца немагчыма

Давераная асоба незалежнага кандыдата ў дэпутаты гарадскога і абласнога саветаў Віталя Каліноўскага Наталля Якубовіч напісала скаргу на імя імя старшыні Мікашэвіцкай акруговай камісіі № 43 адносна таго, што на ўчастку для галасаваня № 52 ёй адмоўлена ў атрыманні інфармацыі пра колькасць выбаршчыкаў. Камісія адмовілася паказаць і апошнюю лічбу ў спісе выбаршчыкаў.

Наталля Якубовіч адзначае, што адзінае, што дазваляецца назіральнікам -- толькі паглядзець на вывешаны пратакол участковай камісіі з дадзенымі аб прагаласаваўшых у канцы дня. Не дазваляецца праверыць пячатку на скрынцы для галасавання, паглядзець, ці ёсць подпісы і выходныя дадзеныя друканяў на бюлетэнях. Яна звяртае ўвагу на тое, што скрынка для датэрміновага галасавання захоўваецца неналежным чынам -- да яе мае доступ супрацоўнік міліцыя і іншыя асобы.

“Праваабаронцы за свабодны выбары”