Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: сітуацыя з вылучэннем кандыдатаў на выбарах у мясцовыя Саветы, кандыдатаў, затрыманне на беларускай мяжы справаздачы аб дзейнасці праваабаронцаў з "Платформы-інавэйшн".
"Падзея тыдня": Ашмянскі раённы суд на мінулым тыдні падтрымаў забарону Ашмянскай мытні на кнігу палітвязня Алеся Бяляцкага “Асьвечаныя Беларушчынай”. Разам з тым па словах суддзі, вынікі экспертызы па кнізе яна лічыць непрымальнымі.
“Асоба. Дзяржава. Грамадства”: юрыст Павел Сапелка пра спецыфіку аспрэчвання некаторых нормаў крымінальна-працэсуальнага заканадаўства праз Канстытуцыйны суд.
"Навіны палітвязняў": – рэакцыя праваабаронцаў і сваякоў палітвязняў на заяву амбасадара Дзяржавы Ізраіль і Іосіфа Шагала аб тым, што беларускія палітвязні з'яўляюцца крымінальнікамі.
У музычных паўзах – песні ў выкананні Вінцэнта.
Слухаць выпуск:
