У Магілёве ў склад акруговых выбарчых камісій не патрапіў ні адзін дэмакрат

Вылучалі ў склад акруговы камісій сваіх прадстаўнікоў толькі актывісты Аб’яднанай грамадзянскай партыі.

Распавядае старшыня Магілёўскай абласной арганізацыі АГП Уладзімір Шанцаў:

“Вылучалі ў акруговыя камісіі шэсць чалавек. Нікога не ўключылі. Аргументаваць чаго нашы актывісты не прайшлі ў камісіі ніхто не стаў. Проста не прайшлі і ўсё”.

Шанцаў адзначае, што абскарджваць неўваходжанне сваіх актывістаў у склад акруговых выбарчых камісій, а таксама судзіцца з гэтай нагоды не збіраецца – не бачыць у гэтым ніякага сэнсу.