Праваабарончая праграма “Людзьмі звацца!” на Беларускім Радыё Рацыя
Кожны аўторак у 15:05 ў эфіры незалежнай беларускай радыёстанцыі “Беларускае Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня”, “Асоба. Дзяржава. Грамадства” ды “Навіны палітвязняў”.
Анонс выпуску:
“Хроніка пераследу”: сустрэча прадстаўнікоў БАЖ з кіраўніцтвам мінскай міліцыі з нагоды масавых затрыманняў журналістаў падчас выканання імі працоўных абавязкаў.
"Падзея тыдня": 26-27 кастрычніка ў Вільні адбыўся ІІІ Беларускі праваабарончы форум, які сабраў 111 дэлегатаў з 25 беларускіх няўрадавых арганізацый - праваабарончых і тых, што маюць у сваёй дзейнасці праваабарончую кампаненту. У якасці гасцей мерапрыемства сюды з’ехаліся прадстаўнікі міжнародных праваабарончых арганізацый з еўрапейскіх краінаў, якія актыўна працуюць з беларускімі калегамі.
"Асоба. Дзяржава. Грамадства": госць рубрыкі праваабаронца Валянцін Стэфановіч распавядае пра змены ў выбарчым заканадаўстве, якія рыхтуе парламент.
“Навіны палітвязняў”: пракуратура адмовілася разглядаць факты, якія сведчаць аб дрэнных умовах утрымання ў турме, пра якія ў сваім лісце паведаміў Мікалай Аўтуховіч.
У музычных паўзах - песні Паліны Рэспублікі.
