У Магілёве праваабаронцы арганізавалі прагляд фільмаў супраць смяротнага пакарання
Прагляд фідэафильмаў на тэму смяротнага пакарання ў Магілёве.
Вечарам, 10 кастрычніка, у грамадскім цэнтры “Кола” сабралася каля 30 неабыякавых да тэмы смяротнага пакарання грамадзян.
Праваабаронцы Аляксей Колчын і Барыс Бухель правялі кароткую лекцыю, прысвечаную праблеме смяротнага пакарання ў Беларусі, пасля чаго адбыўся прагляд дакументальных фільмаў “Убыл по приговору” і “Не забірай жыццё”.
Праваабаронцы прывялі статыстыку, паводле якой у 2012 годзе да смерці прыгаварылі трох беларускіх грамадзян. Нягледзячы на тое, што ў іншых краінах гэты ж год было пакарана смерцю значна больш грамадзян (напрыклад у Кітаі - 1000 чалавек, у Іране – 314, а ў Іраку – 129) зло не можа вымярацца колькасцю асуджаных.
Пасля прагляду фільма адбылася дыскусія.
Сваё мерапрыемства праваабаронцы прымеркавалі да Сусветнага дня барацьбы супраць смяротнага пакарання.
