Актывістаў Маладога Фронту будзе судзіць Аляксей Таманаў

Судзьдзя пакуль не прызначыў дату судовага паседжаньня, паведамляе Радыё Свабода.

Крымінальную справу супраць Зьмітра Хведарука, Алега Корбана, Барыса Гарэцкага, Аляксея Янушэўскага і непаўналетняй Насты Палажанкі КДБ распачаў 4 лютага.

Маладых людзей вінавацяць ва ўдзеле ў незарэгістраванай арганізацыі.

Справа маладафронтаўцаў трэцяя па ліку, пасьля прыняцьця дадатковага 193 артыкулу ў Крымінальны кодэкс.

Летась 4 жніўня за ўдзел у незарэгістраванай арганізацыі пакаралі актывістаў “Партнэрства” Эніру Браніцкую, Цімафея Дранчука, Аляксандра Шалайку і Міколу Астрэйку. 1 кастрычніка – лідэра “Маладога фронту” Зьмітра Дашкевіча.

Суды адбываліся за зачыненымі дзьвярыма.

Актывісты Маладога Фронту падрыхтавалі дакумэнты для рэгістрацыі ў Міністэрстве юстыцыі.