Актывісты кампаніі “Гавары праўду” Брэсцкага раёна выказалі салідарнасць з Алесем Бяляцкім і ўсімі палітвязнямі

Як паведаміў адзін з удзельнікаў кампаніі Анатоль Новік, у Дзень салідарнасці з палітзняволеным віцэ-прэзідэнтам Міжнароднай федэрацыі за правы чалавека, кіраўніком закрытага беларускімі ўладамі Праваабарончага цэнтра "Вясна" адбылося паседжанне актыва кампаніі “Гавары праўду” Брэсцкага раёна. Удзельнікі ўзгадалі Алеся Бяляцкага, які быў арыштаваны ў гэты дзень 2 гады таму і асуджаны на 4,5 гады ў турэмнага зняволення  ўзмоцненага рэжыму з канфіскацыяй маёмасці.

Былі падпісаны паштоўкі Алесю Бяляцкаму з словамі падтрымкі, узгадалі іншых палітзняволеных, а таксама абмеркавалі пытанні парушэння правоў чалавека ў Брэсцкім раёне.