Затрыманні нацыянал-бальшавікоў у Менску
У Менску 2 ліпеня былі затрыманыя актывісты нацыянал-бальшавіцкага руху Зміцер Паліенка, Аляксандр Палякоў і Дзяніс Гаўрыкаў. Супрацоўнікі міліцыі паведамілі, што яны падазраюцца ў рабаванні, аднак калі актывістаў адвезлі ў Кастрычніцкі РУУС, на іх былі складзеныя пратаколы па артыкуле 17.1 КаАП РБ за нібыта нецэнзурную лаянку ў грамадскім месцы. Палякоў пасля складання пратакола быў адпушчаны, бо з'яўляецца непаўналетнім. Астатніх 4 ліпеня асудзілі на 2 сутак арышту, якія маладзёны ўжо адседзелі ў чаканні суду.
Гэта ўжо не першы выпадак прэвентыўнага затрымання нацыянал-бальшавікоў перад дзяржаўнымі святамі і візітам кіраўнікоў замежных дзяржаў. Мабыць, такім немудрагелістым чынам улады спрабуюць засцерагчы сябе на час правядзення святаў з нагоды дня незалежнасці, паведамляюць нацболы ў сацыяльніх сетках.
