Алесь Бяляцкі: “А вось з моваю – бяда”

Бялыніцкі журналіст Барыс Вырвіч 28 чэрвеня атрымаў ліст ад палітвязня, кіраўніка Праваабарончага цэнтру “Вясна” Алеся Бяляцкага.

Палітвязень падзяліўся сваімі развагамі наконт навінаў з жыцця дэмакратычнай суполкі Магілёўскай вобласці, а таксама распавёў пра сваё жыццё ў бабруйскай калоніі.

“Улетку добра не толькі на волі, але і тут не пагана, - піша Алесь Бяляцкі. – Часу вольнага ў мяне няшмат, але я не бядую, так ён хутчэй пралятае, ды і я яшчэ імкнуся штосьці зрабіць карыснага. Вельмі мяне цешыць, што ідзе актыўнае вяртанне і засваеньне нашай гісторыі. Вось і замак у Быхаве хоць троху давядуць да ладу. А вось з моваю – бяда. І тут трэба ўпірацца, колькі ёсць сілаў” – выказаў меркаванне Алесь Бяляцкі.