Віцебск. Другі дзень закрытага суду над «шпіёнам» Гайдуковым

Супроць Гайдукова, якога трымаюць у клетцы, сьведчаць міліцыянты.

Паводле зьвестак зь Віцебскага абласнога суду, дзе другі дзень судзяць наваполацкага актывіста Андрэя Гайдукова, у судовай залі яго трымаюць у жалезнай клетцы. «Гэта можа азначаць, што груба парушаныя ягоныя правы на абарону, бо ўтрыманьне ў клетцы можа перашкаджаць ягоным кантактам з адвакатам падчас працэсу», — мяркуе віцебскі праваабаронца Павал Левінаў.

Праваабаронца Павал Левінаў і актывістка БХД Тацяна Севярынец 13 чэрвеня мелі размову з старшынём Віцебскага абласнога суду Мікалаем Хамічонкам. Актывісты кажуць, што бачылі, як у судовае паседжаньне па справе Андрэя Гайдукова выклікалі сьведак. «Гэта былі людзі ў міліцэйскай форме», — сказаў Свабодзе Павал Левінаў.