У Жэневе сёння пройдзе галасаванне па мандаце беларускага дакладчыка ААН
На 13 чэрвеня запланаванае галасаванне наконт працягу або спынення мандата спецдакладчыка ААН Міклаша Харашці.
Нагадаем, што ён прызначаны дакладчыкам па сітуацыі з правамі чалавека ў Беларусі.
У галасаванні маюць права ўдзельнічаць дэлегацыі ўсіх 47 краін, якія цяпер уваходзяць у Савет ААН па правах чалавека.
У каментары Радыё "Свабода" праваабаронца Валянцін Стэфановіч выказаў спадзеў, што большасць дэлегацый выкажацца за працяг мандату спецдакладчыка па Беларусі. Праваабаронца адзначыў, што краіны, якія раней заўжды падтрымлівалі афіцыйную беларускую дэлегацыю, у прыватнасці Расія, Кітай і Куба, на гэты час не з'яўляюцца сябрамі Савета.
Нагадаем, што Беларусь не прызнае мандат спецдакладчыка. Афіцыйны Мінск не супрацоўнічае з Харашці і не дае яму ўязную візу.
