Дуня Міятавіч будзе бараніць правы беларускіх журналістаў
Дунья Міятавіч
Дуня Міятавіч будзе бараніць правы беларускіх журналістаў. Пра гэта прадстаўніца АБСЕ ў свабодзе медыяў заявіла падчас сустрэчы з галоўным рэдактарам сайта charter97 Наталляй Радзінай.
Дуня Міятавіч патлумачыла, які механізм уздзеяння АБСЕ на катастрафічнае становішча незалежных СМІ ў краіне могуць быць задзейнічаны.
Наталля Радзіна:"Абмяркоўвалі сітуацыю ў Беларусі, у прыватнасці з журналістамі, я яе запытала, ці не падаецца ёй, што на самой справе прычына таго, што ў Беларусі пераследуюць свабоду слова ўсяго толькі адна. Ніякія дыялогі з уладамі не могуць палепшыць сітуацыю са свабодай слова. Дуня Міятавіч адказала, што гэта канешне не яе праца, змяняць урады, але яна будзе не саромячыся змагацца за беларускіх журналістаў, і абараняць іх".
Паводле Дуні Міятавіч, роля АБСЕ складаецца ў тым, каб дамагчыся ад урада выканання ўзятых на сябе абавязацельстваў. Беларусь застаецца ў нашым парадку дня, зазначыла прадстаўніца АБСЕ ў свабодзе медыяў.
“Сачу за ўсімі спробамі падарваць свабоду выказвання меркавання. Спадзяюся, хутка наведаць Беларусь. Буду змагацца, каб журналісты ў Беларусі і іншых краінах не былі абмежаваныя ў сваёй працы”, - зазначыла Дуня Міятавіч.
