У Магілёве рытуальна пахавалі запчасткі

14 красавіка ў Магілёве аўтамабілісты на знак пратэсту супраць разьбітых дарог пахавалі свае страчаныя на гэтых дарогах аўтазапчасткі. На імправізаваную магілу былі ўскладзеныя кветкі.

Супрацоўнікі ДАІ, якія спынілі акцыю на вуліцы Каралёва ў мікрараёне Юбілейны, кажуць, што ня маюць прэтэнзіяў да аўтамабілістаў. Аднак матэрыял пра акцыю яны зьбіраюцца перадаць для далейшага разьбіральніцтва.

15 аўтамабіляў пасьпелі праехаць цэнтральнымі вуліцамі Магілёва. На машынах былі прымацаваныя чорныя стужкі і плякат «Акцыя за добрыя дарогі. Вечная памяць».

Акцыя была арганізаваная карыстальнікамі сацыяльнай сеткі Вконтакте.