viasna on patreon

На Гарадзеншчыне новы адміністрацыйны працэс за фотаздымак

2013 2013-04-10T13:29:22+0300 1970-01-01T03:00:00+0300 be https://spring96.org/files/images/sources/voranava-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На Гарадзеншчыне чакаецца новы адміністрацыйны працэс па факце публікацыі фотаздымкаў у інтэрнэце. 25 сакавіка грамадскія актывісты з гораду Бярозаўка традыцыйна ўшанавалі памяць генерала БНР Кіпрыяна Кандратовіча. Магіла гэтай гістарычнай асобы знаходзіцца паблізу праваслаўнай царквы раённага цэнтру Воранава. Кіпрыян Кандратовіч быў перапахаваны тут ў траўні 2000 года. Штогод у Воранава прыязджаюць грамадскія актывісты Лідчыны, каб ускласці кветкі і запаліць знічкі. Сёлета памятная акцыя праходзіла без прысутнасці міліцыі. Аднак, паводле з’яўлення ў інтэрнэце фотаздымкаў ушанавання памяці, на якім удзельнікі зняліся пад бел-чырвона-белым сцягам, воранаўскай міліцыяй пачата адміністрацыйная справа – актывістаў вінавацяць у правядзенні “несанкцыянаванай акцыі”.

 

Фота Беларускага Радыё Рацыя

Апошнія навіны

Партнёрства

Сяброўства