Мікалай Уласевіч падаў заяўку на пікет да ўгодкаў Чарнобылю

Грамадскі актывіст з мястэчка Варняны Мікола Уласевіч падаў заяўку ў Астравецкі райвыканкам на правядзенне ў Астраўцы пікету 26 красавіка -- да ўгодкаў Чарнобыльскай аварыі. Пікет ставіць за мэту інфармаванне насельніцтва пра згубныя наступствы чарнобыльскай катастрофы і патэнцыйную вялікую небяспеку пабудовы новай атамнай станцыі на тэрыторыі Астравецкага раёну, якая можа прывесці да непапраўнага. Грамадскі актывіст не мае асаблівых спадзяванняў, што мясцовая ўлада дазволіць правядзенне такога інфармацыйнага мерапрыемства, аднак лічыць, што нельга маўчаць у той сітуацыі, якая складаецца ў Беларусі вакол пабудовы небяспечнай расійскай атамнай станцыі.