Запрашаем на прэс-канферэнцыю!
Праваабарончы цэнтр “Вясна” ў панядзелак, 1 красавіка, запрашае журналістаў на прэс-канферэнцыю, падчас якой будуць прэзентаваныя штогадовы агляд-хроніка “Сітуацыя з правамі чалавека ў Беларусі ў 2012 годзе”, а таксама “Агляд па выніках маніторынгу месцаў прымусовага ўтрымання ў Рэспубліцы Беларусь”.
Кніга “Сітуацыя з правамі чалавека ў Беларусі ў 2012 годзе” падрыхтаваная на падставе асабістых зваротаў ахвяраў парушэнняў правоў чалавека, фактаў, зафіксаваных праваабаронцамі, а таксама інфармацыі з іншых крыніцаў.
Даследванне “Агляд па выніках маніторынгу месцаў прымусовага ўтрымання ў Рэспубліцы Беларусь” ахоплівае перыяд часу ад прэзідэнцкіх выбараў 2010 года да сённяшніх дзён і падрыхтаванае Праваабарончым цэнтрам “Вясна” ў супрацоўніцтве з вопытным экспертам, юрыстам з вялікай адвакацкай практыкай Паўлам Сапелкам.
Праваабаронцы таксама дадуць ацэнку бягучай сітуацыі з правамі чалавека ў Беларусі, адкажуць на пытанні прадстаўнікоў СМІ.
Удзельнікі – намеснік старшыні ПЦ “Вясна” Валянцін Стэфановіч, юрыст Павел Сапелка.
Прэс-канферэнцыя адбудзецца на новым офісе ПЦ “Вясна” па адрасе: г. Менск, вул. Мяржынскага, 8-26. Пачатак – у 11-00.
Па дадатковую інфармацыю звяртайцеся па тэлефоне: (017) 280-23-11.
