Бярозаўка: 24 сакавіка актывіста выклікаюць на “прафілактычную гутарку”

Грамадскага актывіста з гораду Бярозаўка, рэгіянальнага каардынатара “Руху за свабоду” Сяргея Трафімчыка напярэдадні 25 сакавіка беспадстаўна турбуюць міліцыянты. 22 сакавіка яму патэлефанаваў начальнік Лідскага РАУС і папрасіў з’явіцца на гутарку. 23 сакавіка выявілася, што кіраўніка мясцовай міліцыі няма на месцы і ён будзе толькі заўтра. Актывісту выпісалі позву з’явіцца ў РАУС 24 сакавіка. У позве нічога не пазначана – ні паводле якой справы ён выклікаецца, ні ў якасці каго. Сяргей Трафімчык, заехаўшы ў Лідскі РАУС, пакінуў у кнізе скаргаў адпаведны запіс пра парушэнні – ён перакананы, што такі выклік ёсць незаконным.