Мастак і ў камеры застаецца мастаком (малюнкі Геніка Лойкі)
Камера на Акрэсціна
Вядомы скульптар і адначасна абаронца роднай мовы Генік Лойка, якога 21 лютага абвінавацілі ва ўдзеле ў несанкцыянаваным мерапрыемстве (арт.23.34 КаАП РБ) ды пакаралі арыштам на 5 сутак, зрабіў замалёўкі камеры, у якой ён адбываў пакаранне. Гэта карпусы ізалятара часовага ўтрымання (ІЧУ) на вуліцы Акрэсціна ў Менску, дзе зараз адбываюць пакаранне, пакараныя адміністратыўным арыштам, паколькі будынак Цэнтра ізаляцыі правапарушальнікаў рамантуецца.
Упершыню мастацкая рука дакладна адлюстравала выгляд камер ізалятара часовага ўтрымання.
На жаль, большасць беларускіх ізалятараў яшчэ і дагэтуль выглядаюць жахліва, а ўмовы ўтрымання ў такіх установах не адпавядаюць не толькі міжнародным нормам, але і ўвогуле элементарным санітарна-гігіенічным патрабаванням.
