Брэст: грамадскі актывіст Віталь Коўш асуджаны на чатыры гады

Паводле выраку, які зачытаў 12 сакавіка суддзя Брэсцкага раённага суда Мікалай Сянько, пакаранне Віталь Коўш будзе адбываць у калоніі ўзмоцненага рэжыму і ў яго будзе канфіскавана маёмасць.

Віталя Каўша абвінавацілі ў арганізацыі спробы нелегальна (з дапамогай каната) перасячы беларуска-польскую мяжу у траўні мінулага году васьмі грамадзянам Індыі. Парушальнікаў граніцы затрымалі і праз некаторы час дэпартавалі з Беларусі. Пазней у Інтэрнэце быў змешчаны відэаролік, у якім індусы распавядалі, што падчас знаходжання ў ізалятары прадстаўнікі беларускіх праваахоўных органаў прымушалі іх даваць сведчанні ў адносінах да невядомых асобаў.

На пачатку верасня Коўш быў затрыманы каля свайго дому на вачах у родных і ўвесь гэты час ўтрымліваўся за кратамі. У судзе ён не прызнаў сваёй віны, а пракурор патрабаваў для грамадскага актывіста 5 гадоў турмы.