Валянціну Цюраву пакаралі арыштам на 3 сутак, якія яна адбыла на Акрэсціна

У судзе Савецкага раёна Менска 11 сакавіка будзе разгледжаная адміністратыўная справа актывісткі “Еўрапейскай Беларусі” Валянціны Цюравай, якую затрымалі 8 сакавіка каля Камароўскага рынку пад час пікету. Супрацоўнікі міліцыі склалі пратакол па артыкуле 23.34. КаАП (удзел у несанкцыянаваным масавым мерапрыемстве).  На выходныя Цюрава была змешчаная ў ЦІП на Акрэсціна.

Валянціна Цюрава праводзіла адзіночны пікет каля рынку, трымаючы плакат “Дзе маё сваята? Дзе мая свабода”. Гэтай акцыяй яна спрабавала прыцягнуць увагу мінакоў да праблем, з якімі сутыкаюцца жанчыны ў Беларусі.

12.40 Валянціну Цюраву прывезьлі ў суд з турмы на Акрэсьціна. Суддзя - Дзмітрый Паўлючэнка.

13.45. У судзе абвешчаны перапынак.

15-30. Сведкі з боку абвінавачвання так і не з'явіліся ў судзе.

Прысуд - 3 сутак арышту. Паколькі менавіта столькі правяла дзяўчына ў чаканьні суду на Акрэсціна - яна вызваленая адразу пасьля суда.