У Брэсце аднавіўся суд над Віталем Каўшом

Перапынак быў звязаны з тым, што абвінавачванне няправільна пазначыла прозвішчы затрыманых на мяжы грамадзян Індыі, якім нібыта дапамагаў грамадскі актывіст.

Віталя Каўша судзяць за “спрыянне незаконнай міграцыі”: па версіі следства, ён спрабаваў дапамагчы васьмі індусам у перасячэнні беларуска-польскай мяжы з ужываннем каната. З-за памылак у дакументах у працэсе быў абвешчаны перапынак, а пракурор мусіў мяняць фармулёўку абвінавачання. Разам з тым суд Брэсцкага раёна адмовіўся разглядаць змешчаныя ў Інтэрнеце відэаролікі з запісам выказванняў грамадзян Індыі, якія пасля дэпартацыі з Беларусі заявілі пра тое, што іх прымусілі агаварыць невядомых людзей.
Сам Віталь Коўш, у якога двое малых дзяцей, з верасня мінулага году па-ранейшаму ўтрымліваецца ў следчым ізалятары, нягледзячы на неаднаразовыя  хаданіцтвы змяніць меру стрымання. Раней Віталь прымаў актыўны ўдзел у розных грамадскіх і палітычных кампаніях, у тым ліку ў якасці назіральніка на прэзідэнцкіх выбарах.