Пінск: акцыя за свабоду слова і сходаў (фота)

Каля цэнтральнага рынку ў Пінску мясцовыя актывісты Беларускай хрысціянскай дэмакратыі (БХД) правялі 29 лістапада акцыю ў падтрымку свабоды слова і свабоду сходаў у краіне.

Пра сутнасць акцыі нагадалі цацкі мядзведзікаў, да якіх былі далучаныя адпаведныя шыльды. Варта дадаць, што пінскія сябры БХД апошнім часам рэгулярна ладзяць у родным горадзе мерапрыемствы, дзе нагадваюць пра праблемы з правамі чалавека на Беларусі, спрабуюць распаўсюдзіць незалежную інфармацыю пра вынікі нядаўніх парламенцкіх выбараў у краіне і выказваюць сваю салідарнасць з палітвязнямі.