Мікола Чарнавус пакараны штрафам за дабрачынны абед
Баранавіцкі прадпрымальнік Мікалай Чарнавус
Прадпрымальнік з Баранавіч Мікола Чарнавус пакараны судом горада Баранавічы і Баранавіцкага раёна штрафам у 3 мільёны рублёў. Яго абвінавацілі па артыкуле 23.34 ч. 2 Адміністрацыйнага кодэкса РБ -- “арганізацыя і правядзенне несанкцыянаванага масавага мерапрыемства”.
Мікола Чарнавус даводзіў да суддзі Аксаны Сарахман, што дабрачынным абедам пачаставаў людзей ля свайго працоўнага месца па іх просьбе. Адначасова сабраў 307 подпісаў за бясплатны праезд школьнікаў у грамадскім транспарце на факультатывы і гурткі. Пра гэта яго прасілі людзі падчас выбарчай кампаніі, калі Чарнавус балатаваўся ў дэпутаты Палаты прадстаўнікоў. Нягледзячы на ўсе довады, суддзя Сарахман палічыла, што дабрачынны абед і збор подпісаў – гэта масавае мерапрыемства, на якое трэба дазвол уладаў, якога спадар Чарнавус не меў.
