viasna on patreon

Дзень салідарнасці з беларускімі палітвязнямі адзначаць у Варшаве

2012 2012-11-16T15:30:37+0300 1970-01-01T03:00:00+0300 be

Сёння дзень салідарнасці з беларускімі палітвязнямі адзначаць ў Варшаве. У 18 гадзінаў палякі і беларусы, якія пражываюць у Варшаве, выйдуць з партрэтамі вязняў сумлення ў Беларусі, каб у чарговы раз нагадаць свету аб тым, што ў еўрапейскай краіне ў ХХІ стагоддзі ў турмах пакутуюць людзі за палітычныя перакананні.

Такія акцыі вельмі важныя, асабліва таму што па-за межамі Беларусі ўдзел у іх не пагражае арыштам ці штрафам, кажа еўрадэпутат Марэк Мігальскі, бюро якога далучылася да арганізацыі мерапрыемства ў Варшаве.

– Такія акцыі салідарнасці з беларусамі, з апазіцыйнымі дзеячамі вельмі важныя. Тым больш, што ў краінах Захаду, за ўдзел у такіх дэманстрацыях нічога не пагражае. Трэба толькі выйсці з дома і мець жаданне ўзяць удзел у акцыі, шкада, што ў такіх акцыях бярэ удзел не так шмат людзей, як мы хацелі б. Трэба памятаць, што за прыняцце ўдзелу ў якіх-кольвек акцыях у Беларусі пагражаюць рэпрэсіі. На шчасце, на Захадзе можна выйсці і паказаць сваю салідарнасць з тымі, хто на яе заслугоўвае.

Акцыя салідарнасці адбудзецца сёння а 18 гадзіне каля Касцёла Св. Ганны ў Варшаве.

Апошнія навіны

Партнёрства

Сяброўства