Маладафронтаўцу Раману Васільеву - 15 сутак
Раман Васільеў. Фота: svaboda.org
Як высветлілася ў судзе, адміністратыўная справа Рамана Васільева цалкам аналагічная справе асуджанага ўчора ягонага паплечніка Уладзіміра Яроменка - абвінавачваецца маладафронтавец па артыкуле 17.1 КаАП "Дробнае хуліганства" за тую ж акцыю 7 лістапада.
Справу Раманава разглядала нават тая ж суддзя - Таццяна Моталь. Яна пакарала актывіста адміністратыўным арыштам тэрмінам на 15 сутак. Такое ж пакаранне суддзя Моталь учора вынесла Яроменку.
***
Актывіст Маладога Фронту Раман Васільеў быў затрыманы ў Менску 8 лістапада і ноч правёў у Маскоўскім РАУСе.
Як паведаміў сайт МФ, актывіст выйшаў з дому, каб ехаць на сустрэчу, і да месца сустрэчы не даехаў. Пазней стала вядома, што за ім была выслана міліцыя з мэтай затрымання.
Ні падрабязнасці затрымання, ні артыкул, па якім абвінавачваецца маладафронтавец, невядомыя.
Разгляд адміністратыўнай справы Рамана Васільева адбудзецца сёння, 9 лістапада, у судзе Маскоўскага раёна.
