Віншаванні для Алеся Бяляцкага: Беларусы Канады

“Дарагі Алесь,

Прыміце нашыя самыя шчырыя віншаванні з 50 –годдзем! 

Мы верым, што цуды здараюцца, і спадзяемся, што хутка сваякі, сябры і знаёмыя змогуць абняць Вас і паціснуць Вашую мужную руку, а ўсе салідарныя з Вамі людзі змогуць прачытаць, нарэшце, радасную навіну: "Бяляцкі на волі!" 

Мы верым, што і сітуацыя на Радзіме хутка зменіцца. 

Нашая канадская грамада зычыць Вам здароўя, бязмежнага шчасця, вясновага настрою і вечнай маладосці. Зычым натхнення і з нецярплівасцю чакаем Вашых аўтарскіх кніг, мемуараў і зборніка па гісторыі абароны Правоў Чалавека ў Беларусі.

Чакаем сустрэчы ў Беларусі і Канадзе.

Да хуткага вызвалення, Алесь! 

З павагаю,
Згуртаванне беларусаў Канады і
Фольк- гурт "Яваровы людзі" (Таронта)”