Віншаванні для Алеся Бяляцкага - ад калегаў, сяброў і знаёмых (дадаецца)

Выказваем шчырую падзяку ўсім, хто далучаецца да віншавальнага тыдня для Алеся Бяляцкага. У “Вясну” працягваюць прыходзіць цёплыя лісты і фотаздымкі з віншаваннямі юбіляру – ад партнёраў, калегаў, сяброў, знаёмых і проста неабыякавых да лёсу зняволенага праваабаронцы людзей.

Таццяна Казак з Латвіі:

“Шаноўны Алесь! Даведалася, што на днях сустрэнеш паўсотгадовы юбілей! Шчыра віншую! Зычу Божай дапамогі на бліжэйшыя наступныя паўстагоддзя ва ўсіх тваіх справах, і прыватных і грамадскіх! Жыве Беларусь!” 

Дырэктар расійскага Інстытута правоў чалавека Валянцін Гефтэр:

“Дарагі сябар і калега,
як бы цяжка не было табе ў вязніцы пад ціскам розных супастатаў у форме і без, няхай маленькай надзеяй на хутчэйшае тваё вызвалення стане наша любоў і памяць пра твае далёка не марныя намаганні ўсіх апошніх гадоў.
І няхай, захаваўшы здароўе і сілы для грамадскага служэння, на волі ты зможаш заняцца і іншымі любімымі справамі, адчуць усю радасць чалавечага быцця і падтрымкі ад блізкіх і нас, тваіх паплечнікаў.
Зычу мужнасці і цярпення, якіх табе і так не займаць.
Да хуткай сустрэчы, Алесь!”

Журналіст Алесь Дашчынскі: “Разам з айцом Якабам далучаемся да віншавальнага тыдня Алеся Бяляцкага”.

Намеснік старшыні Беларускай асацыяцыі журналістаў (БАЖ) Андрэй Бастунец.

Праваабаронца Дар'я Корсак.