Брат актывіста Вячаслава Сіўчыка Канстанцін арыштаваны

Сьледчы пракуратуры Ленінскага раёну Менску Папоў падпісаў санкцыю на арышт. Канстанціна падазраюць у тым, што ён, кіруючы машынай, наехаў на міліцыянта.

Паводле маці Галіны Сіўчык, здарэньне адбылося 28 сакавіка. Канстанцін кіраваў аўтамабілем, дзе знаходзіўся ягоны брат Вячаслаў. Ён спрабаваў вывеpьці Вячаслава са шпіталю, каб той пазьбегнуў адміністрацыйнага арышту за ўдзел ў намётавым мястэчку на Кастрычніцкай плошчы.

Сёньня Галіне Сіўчык споўнілася 65 год. Яна лічыць справу супраць свайго сына Канстанціна палітычна матываванай, паведаміла Радыё Свабода.