Каля прадстаўніцтва ААН у Беларусі затрыманыя пяцёра маладых людзей, якія трымалі партрэты Аляксандра Казуліна

У 15.15 каля прадстаўніцтва ААН у беларусі былі затрыманыя пяцёра маладых людзей, якія трымалі партрэты павлітвязьня Аляксандра Казуліна. У маладых людзей супрацоўнікі міліцыі праверылі дакументы, перапісалі прозьвішчы і адпусьцілі. Журналісты, якія прысутнічалі пры гэтым (сярод іх -- Алесь Дашчынскі, Генадзь Барбарыч, Юрый Дзядзінкі), таксама былі вымушаныя прадставіць свае дакументы. Пасьля праверкі ў аднаго з журналістаў былі засьвечаныя фотаздымкі.