viasna on patreon

Міхалевіча выключылі з цэнтральнай базы Інтэрпола

2012 2012-07-31T11:37:30+0300 1970-01-01T03:00:00+0300 be https://spring96.org/files/images/sources/mihalevich1.jpg
Алесь Міхалевіч

Алесь Міхалевіч

Гэта вынікае з адказу Інтэрпола на зварот палітыка ў гэтую міжнародную арганізацыю. Пра гэта былы кандыдат на пасаду прэзідэнта Беларусі напісаў у сябе ў Фэйсбуку.

«Карацей, мяне выключылі з цэнтральнай базы. У якіх краінах у базах я застаўся, не гаворыцца», — напісаў палітык-палітэмігрант.

Нагадаем, што летась Міхалевіч здолеў збегчы з Беларусі пасля вызвалення з СІЗА КДБ. У снежні 2011 года Алеся Міхалевіча затрымалі ў польскім аэрапорце, бо яго імя знаходзілася ў спісе вышуку Інтэрпола з падачы Беларусі. Тады для вырашэння сітуацыі прыйшлося ўмяшацца польскаму міністэрству замежных спраў. Пазней палітык накіраваў ліст у Інтэрпол з просьбай растлумачыць сітуацыю з яго затрыманнем.

Апошнія навіны

Партнёрства

Сяброўства