Графіці “Свабоду Дашкевічу!” з’явіліся днямі ў цэнтры Бабруйска

Пераважна на сьценах тых устаноў, якія непасрэдна ці ўскосна прымаюць удзел у рэпрэсіях супраць апазіцыі. Адзін з такіх надпісаў гараджане змаглі пабачыць на ўваходзе ў мясцовую ўправу КДБ.

Нагадаем, што 1 лістапада лідэр “Маладога Фронту” Зьміцер Дашкевіч быў асуджаны на паўтары гады пазбаўленьня волі паводле арт.193 ч.1 за "дзейнасьць ад імя незарэгістраванай арганізацыі". З 15 верасьня моладзевы лідэр знаходзіцца ў менскім СІЗА па вул.Валадарскага.