Легендарны Мірон узняў бел-чырвона-белы сцяг у гонар палітвязняў

Сцяг быў вывешаны мінулай ноччу недалёка ад Віцебска, над аўтадарогай у раёне транспартнага прыпынку "Лужасна". Той, хто называе сябе "Міронам", здолеў прымацаваць бел-чырвона-белы сцяг на электрычных дратах уздоўж дарогі.

Пра з'яўленне сцяга распавёў віцебскі апазіцыянер Барыс Хамайда:

"Пра тое, што легендарны Мірон зноў вывесіў бел-чырвона-белы сцяг, мне стала вядома з вартых даверу крыніц. Таксама мне вядомы і змест паслання , напісанага Міронам: "На знак салідарнасці з палітвязнямі, якія годна трымаюцца ў турмах і ў сваім змаганні за нашу шматпакутную Радзіму бяруць прыклад з нацыянальнага героя Беларусі Кастуся Каліноўскага. З нашым святым бел-чырвона-белым сцягам мы абавязкова пераможам! Жыве Беларусь! Жыве вечна! Мірон".