Алесь Абрамовіч асуджаны на 15 сутак за ўдзел у акцыі ў падтрымку палітвязня Аляксандра Казуліна

Алесь Арамовіч, затрыманы 25 лістапада падчас акцыі ў падтрымку Аляксандра Казуліна ля сьценаў калоніі Віцьба-3 у Віцебску сёньня быў асуджаны на 15 сутак арышту. Прысуд вынес судзьдзя Віцебскага раённага суду Міхаіл Зубеня па арт. 167 КаАП (парушэньне парадку правядзеньня і арганізацыі масавых мерапрыемстваў).

Алесь Абрамовіч, жыхар Барысава, ён прыехаў у Віцебск каб падтрымаць палітвязня Аляксандра Казуліна ў дзень яго народзінаў. Падчас акцыі А. Абрамовіч трымаў плякаты з надпісамі: “Свабоду Казуліну! Свабоду палітвязням! Лукашэнку за краты!”. Актывіст быў затрыманы супрацоўнікамі міліцыі і да суду знаходзіўся за кратамі.