З Паўла Красоўскага зьнялі абвінавачваньні ў згвалтаваньнях і забойствах

З жодзінскага актывіста Паўла Красоўскага зьнялі абвінавачваньні ў згвалтаваньнях і забойствах. Аб гэтым праваабарончаму цэнтру “Вясна” паведаміў адвакат Красоўскага Павал Сапелка. Старшы сьледчы Рэспубліканскай пракуратуры Аляксандар Расолька вынес учора пастанову аб зьняцьці абвінавачваньня з-за таго, што вынікі экспертызы пацьвердзілі недатычнасьць Паўла Красоўскага да злачынстваў.

Абвінавачваньне ў датычнасьці да арганізацыі выбухаў у Віцебску 14-га і 22-га верасьня 2005 году з актывіста пакуль ня зьнялі. Праваабаронцы цэнтру “Вясна” спадзяюцца аднак, што гэта справа часу і хутка ўсе абвінавачваньні з Красоўскага будуць зьнятыя.