Справу палітневыязнога Лябедзькі разгледзяць 17 ліпеня
17 ліпеня ў судзе Цэнтральнага раёна Мінска
будзе разгледжаны іск Анатоля Лябедзькі да МУС
і Міністэрства юстыцыі,
пададзены палітыкам у сувязі з унясеннем яго ў спіс
невыязных. 7 сакавіка бягучага года лідэра АГП,
які выязджаў у Літву, затрымалі беларускія памежнікі.
Пасля кансультацый яму было заяўлена, што
ён знаходзіцца ў спісах грамадзян,
якім забаронена пакідаць Беларусь.
Анатоль Лябедзька звярнуўся ў суд, аднак
ягоны зварот больш за тры месяцы
праляжаў у судзе Цэнтральнага раёна Мінска.
Як патлумачылі палітыку,
гэта звязана з «вялікай загрузкай суддзяў».
Сам Анатоль Лябедзька
тлумачыць сітуацыю так: «Улада патроху з'язджае зглузду.
Тое, што адбываецца нельга растлумачыць ні з прававога
пункту гледжання, ні з пазіцыі здаровага сэнсу.
Гэта адкрытая дыскрымінацыя
грамадзян па палітычных поглядах ".
