Грамадзкіх актывістаў могуць звольніць зь Інстытуту гісторыі
Атэстацыйная камісія Нацыянальнай Акадэміі Навук Беларусі прыняла пастанову пра неадпаведнасьць Міхася Чарняўскага і Валянціны Вяргей пасадам старэйшых навуковых супрацоўнікаў, паведамляе Радыё Свабода.
Паводле Валянціны Вяргей, камісія ніяк не аргумэнтавала сваё рашэньне: “Гэта асабістае меркаваньне і ўсё”. Спадарыня Вяргей назвала такія паводзіны камісіі адсутнасьцю маральных і этычных крытэраў.
В.Вяргей зьбіраецца зьвярнуцца да сваіх замежных калегаў з просьбай даць публічную ацэнку яе прафэсійнай навуковай дзейнасьці.
Вялянціна Вяргей і Міхась Чарняўскі вядомыя і сваёй грамадзкай актыўнасьцю. Спадарыня Вяргей уваходзіць у склад грамадзкай ініцыятывы з справе захаваньня мэмарыялу Курапаты, а спадар Чарняўскі адзін з кіраўнікоў руху Вэтэранаў беларускага Адраджэньня.
Рашэньне камісіі мае рэкамэндацыйны характар, але гэта сур’ёзная падстава для звальненьня. Апошнім часам з Інстытуту гісторыі ужо былі звольненыя навукоўцы Іна Стужынская, Андрэй Кіштымаў, Генадзь Сагановічі Сяргей Тарасаў.
