Польскі МЗС пра арышт Пачобута: «Чарговы доказ кепскай сытуацыі з правамі чалавека»
https://spring96.org/be/news/53445
2012
2012-06-22T09:11:25+0300
2012-06-22T09:11:25+0300
1970-01-01T03:00:00+0300
be
Міністэрства замежных справаў Польшчы выказала занепакоенасьць у сувязі з арыштам журналіста і кіраўніка Рады «Саюза палякаў на Беларусі» Андрэя Пачобута.
Пра гэта паведаміла інфармацыйнае агенцтва PAP
са спасылкай на прэсавага сакратара МЗС Марціна Басацкага.
Ён падкрэсьліў, што арышт Пачобута — чарговы доказ
вельмі дрэннага становішча з правамі чалавека ў Беларусі.
«У тым ліку сытуацыі з дзеячамі польскай меншасьці. Мы спадзяемся,
што Пачобут як найхутчэй вызваліцца
з арышту», — сказаў Марцін Басацкі.
Андрэя Пачобута арыштавалі 21 чэрвеня. Яго вінавацяць
паводле крымінальнага артыкулу «паклёп на прэзыдэнта».
Падставамі для абвінавачваньня сталі артыкулы на сайтах «Хартыя 97»
і «Беларускі партызан».
