Сёньня суд разглядае заяву дэпутата Алеся Чыгіра

Сёньня, 20 кастрычніка, у Бабруйскім судзе пачаўся разгляд заявы дэпутата гарадзкога Савету Алеся Чыгіра аб аднаўленьні на працы.

У інтэрвію для Радыё Свабода заяўнік паведаміў, што ён ня згодны з прычынамі яго звальненьня і ў адпаведнасьці з артыкулам 24 Закона аб статусе дэпутата мясцовага Савету патрабуе ад гарадзкога аддзелу аднаўленьня на працы ў якасьці школьнага настаўніка гісторыі.

Чыгір быў звольнены з-за заканчэньня тэрміну кантракту.

Зараз у судзе абвешчаны перапынак. Рашэньне чакаецца каля 13 гадзінаў.