Затрымалі, зьбілі і адвезьлі на Акрэсьціна
“Маладафронтаўцаў” Зьміцера Крэмянецкага і Міхася Мускага затрымалі 7 красавіка каля 20 гадзін вечара на станцыі метро “Купалаўская”. Іх даставілі ў апорны пункт, а затым адвезлі на Акрэсьціна.
Прычыны затрыманьня невядомыя і дагэтуль. Хлопцы ў метро чакалі свой цягнік, аднак іх затрымалі і правялі дагляд асабістых рэчаў. Пры гэтым юнакоў моцна збівалі: Мускаму разбілі твар, а ў Крэмянецкага былі бачныя адбіткі міліцэйскіх берцаў на вопратцы.
Як паведамляюць СМІ, Зміцер Крамянецкі і Міхась Мускі адмаўляліся праходзіць вобшук без панятых, але нейкі прапаршчык і старшы сяржант, што адмовіліся прадстаўляцца і нават схавалі свае бэджы, правялі дагляд прымусова.
На затрыманых складзеныя пратаколы паводле артыкула 17.1 Кодэкса аб адміністрацыйных правапарушэньнях — за нецэнзурную лаянку.
