Салігорскія ідэолагі будуць умацоўваць дысцыпліну
На адмысловым паседжанні райвыканкама салігорскія ідэолагі абмеркавалі выкананне патрабаванняў Дырэктывы Прэзідэнта №1 “Аб мерах па ўмацаванні грамадскай бяспекі і дысцыпліны".
Вырашаць дысцыплінарныя праблемы на прадпрыемствах вырашлі савецкім шляхам - караць невінаватых. “Парушэнне дысцыпліны адным чалавекам працоўнага калектыва павінна панесці пакаранне ўсяго працоўнага звяна. Толькі так можна спыніць абыякавасць і паспрабаваць апярэдзіць разбуральны выраз пра маю хату скраю”, - падсумавалі ідэолагі.
На думку мясцовых праваабаронцаў, такі падыход салігорскіх чыноўнікаў патыхае сярэднявеччам, бо прадугледжвае ўскладанне адказнасці за дзеянне ў тым ліку на асоб, да гэтых дзеянняў недатычных. Такім чынам можна дайсці да калектыўнай адказнасці за выплату падаткаў, за злачынствы на тэрыторыі лесвічнай пляцоўкі, за злачынства члена сям'і і т.д.
