У Познані 25 Сакавіка ўзгадалі беларускіх палітвязняў (фота)

Студэнты-палітолагі Познаньскага універсітэта 25 сакавіка арганізавалі акцыю па зборы лістоў да палітвязняў Беларусі.  

Па словах маладзёнаў, большасць людзей ахвотна пагаджаліся і пісалі некалькі радкоў падтрымкі і салідарнасці. Было сабрана 25 такіх лістоў.

“Лістоў было сабрана не шмат, але мы ведаем, што кожнае слова важнае і неабходнае”, - заўважае Арцём Ткачук, адзін з ініцыятараў акцыі.

Важна падкрэсліць, што справа не сканчалася толькі на напісанні ліста – студэнты размаўлялі з мінакамі, распавядалі пра праблему смяротнага пакарання ў Беларусі і псеўдасудовыя справы палітвязняў.