У Хоцімску нагадалі пра палітвязняў (фота)

У гарадскім пасёлку Хоцімск 18 лютага з’явіліся ўлёткі з пытаннямі “Калі адпусцяць палітвязняў?” і “Калі нашы суды стануць незалежнымі?”. Акцыю ў межах кампаніі “100 пытанняў да ўлады” правялі мясцовыя актывісты “Гавары праўду”.

-          Мы даволі даўно не праводзілі ў Хоцімску інфармацыйны акцыі, бо існуе вельмі пільны кантроль з боку мясцовай улады, - кажа хоцімскі актывіст Валерый Каранкевіч. – Аднак у суботу 18 лютага мы здолелі зрабіць вельмі добрую акцыю, вывесілі ў найбольш людных месцах інфармацыйныя матэрыялы. Шмат было ўлётак з пытаннямі “Калі адпусцяць палітвязняў?” і “Калі нашы суды стануць незалежнымі?”. Лічу, што вызваленне палітвязняў – гэта тое, што беларускія ўлады павінны зрабіць без усялякіх умоваў. Людзі падыходзілі, цікавіліся, акцыя атрымалася рэзананснай. Улёткі правіселі больш за чатыры гадзіны, пасля паўсюдна былі знятыя па загадзе раённых уладаў.