У Баранавіцкай гарадской бальніцы пачаліся пошукі вінаватых

У Баранавіцкай гарадской бальніцы пачаліся пошукі вінаватых. Раней мы паведамлялі, што ў лютым 2012 года ў гэтай бальніцы ў палаце № 314 (неўралагічнае аддзяленне) тэмпература паветра была толькі ўсяго плюс дзевяць, а на вокнах знутры быў лёд. Пасля таго, як гэтая інфармацыя з’явілася ў недзяржаўных СМІ і сайтах, гарадская санэпідэмстанцыя ў гэтай палаце забараніла знаходзіцца хворым. Тэхнічныя службы гарбальніцы адразу павялічылі тэмпературу ў пакоі, пафарбавалі сцены, вакно і падлогу, павесілі новую штору на вакно. Адначасова начальнікі бальніцы пачалі шукаць вінаватых ў агалошванні гэтай праблемы. Імі аказаліся не адміністрацыя і тэхнічныя службы бальніцы, якія трымалі тэмпературу паветра на ўзроўні ўсяго +9 градусаў, а санітарка, якая пусціла журналістаў у пакой № 314 без ведама ідэалагічнага аддзела гарвыканкама.

Фота: Ттак выглядае зараз адрамантаваны пакой № 314 неўралагічнага аддзялення Баранавіцкай гарбальніцы.