Аршанскія ўлады ўпарта працягваюць парушаць заканадаўства аб масавых мерапрыемствах

Аршанскі гарвыканкам працягвае ігнараваць заканадаўства аб масавых мерапрыемствах. Мы ўжо пісалі, што сябры партыі «Справядлівы свет» падалі заяўкі на правядзенне 4-х пікетаў у Оршы 18 лютага. У адпаведнасці з дзеючым заканадаўствам, адказ на падобныя заяўкі павінен быць дадзены не пазней, чым за 5 сутак да пачатку масавага мерапрыемства. Тым не менш, па стане на 15 лютага, г.зн. за 3 дні да акцый, заяўнік Мікалай Дзямідаў адказу з Аршанскага гарвыканкама не атрымаў. Дакладна такая ж карціна мела месца месяц таму, калі адказ на папярэднія заяўкі быў таксама дадзены са спазненнем.