Найстарэйшая творчая арганізацыя краіны - Саюз беларускіх пісьменьнікаў - выселены з Дома літаратараў

30 жніўня ў будынак былога Дома літаратара прыйшлі судовыя выканаўцы, каб пачаць працэдуру высяленьня Саюзу беларускіх пісьменьнікаў у адпаведнасьці з вырашэньнем гаспадарчага суду Менску. Як паведаміла радыё Свабода, перамовы старшыні саюзу Алеся Пашкевіча са старшынём упраўленьня справаў Адміністрацыі прэзыдэнта Аляксандрам Кулішковым выніку не далі. Пісьменьнікам было загадана пакінуць памяшканьне і адмоўлена ў арэндзе нават невялічкага пакойчыку ў Доме літаратара. Такім чынам , пісьменьнікі вымушаныя аддаць ГУ Упраўленьня адміністрацыі Прэзідэнта нават мемарыяльнагы пакой Максіма Танка.
У гэты ж дзень сваё апошняе паседжаньне ў памяшканьні на Фрунзэ, 5 правялі сябры рады СБП, на якім было вырашана правесьці чарговы зьезд Саюзу пісьменьнікаў на пачатку кастрычніка. Таксама былі зацьверджаны зьмены і дапаўненьні ў статут.