Жыхары Бярозы змаглі пазнаёміцца з “Апошнім словам праваабаронцы Алеся Бяляцкага на судзе”

Выдадзены спецыяльны наклад незалежнага выдання горада Бярозы “Бярозавы венік”, дзе надрукавана апошняе слова ў судзе Першамайскага раёна г. Мінска кіраўніка Праваабарончага цэнтра “Вясна”Алеся Бяляцкага. 24 лістапада 2011 года праваабаронца быў прыгавораны да чатырох з паловай гадоў пазбаўлення волі з адбыццём пакарання ва ўмовах узмоцненага рэжыму з канфіскацыяй маёмасці па абвінавачванні ва ўхіленні ад выплаты падаткаў у асабліва буйным памеры.

Стваральнікі “Бярозавага веніка” такім чынам вырашылі зрабіць больш публічнай інфармацыю пра дзейнасць Праваабарончага цэнтру “Вясна” і рэпрэсіўныя дзеянні ўлады, якая супрацьдзейнічае намаганням па абароне грамадзян, правы якіх парушаюцца.