5 сутак атрымаў актывіст «РЧСС» з Гомеля Зміцер Шаўчэнка

Пяць сутак правядзе ў гомельскім ІЧУ актывіст інтэрнэт-супольнасці «Рэвалюцыя праз сацыяльную сетку» Зміцер Шаўчэнка. Ён быў затрыманы міліцыяй 30 снежня каля 13.00 на прыпынку грамадскага транспарту ў Гомелі, і адразу ж дастаўлены ў суд. Актывіст не паспеў нікому паведаміць пра свае затрыманне, і невядома, за што ён пакараны арыштам. У ІЧУ толькі кажуць, што за «парушэнне адміністрацыйнага кодэксу». Імаверна, што затрымалі Зміцера Шаўчэнка ў сувязі з планавай акцыяй на Новы год.

Актывіст у час летніх акцый маўклівага пратэсту двойчы адбываў пакараннне — арышт, у ІЧУ.